https://plus.google.com/106151264132036291022/posts/jK4dxfiXudx

ക്രിസ്തു വാതിലിനു പുറത്താണ്

 ആത്മീയത ഏക വചനമാണ്. മതം ബഹുവചനവും. ഇതാണ് ആത്മീയതയും മതങ്ങളും തമ്മിലുള്ള പ്രധാന വ്യത്യാസം. മതം സംഘടിത ശക്തിയിൽ വിശ്വസിക്കുന്നു. --- അത്മീയത തീർത്തും വ്യക്തിഗതമാണ്.അവിടെ ഒരാൾ മാത്രമേയുള്ളു. ആ ഒരാൾ ഞാൻ തന്നെ എന്നു ചിന്തിക്കുന്നവൻ വിജയിക്കുന്നു. എന്തെന്നാൽ ആത്മീയോർജ്ജമാണ് പ്രപഞ്ചത്തിൽ ലഭ്യമായ ഊർജ്ജങ്ങളിൽ ഏറ്റവും ശക്തം.

(ലളിതവും എന്നാൽ അതിമൗലികവും ആയ ചിന്ത. ജോണ്‍ സാനന്ദരാജിൻറ്റെ ലഘു (പ്രത്യക്ഷ വലുപ്പത്തിൽ മാത്രം) ലേഖനത്തിൽ നിന്ന്. 
ക്രിസ്തു വാതിലിനു പുറത്താണ്- സാനന്ദ രാജ്- സമ്പാദനം - സുഭാഷ്‌ വലവൂർ- പരിധി പബ്ളിക്കേഷൻസ്. വില 60.00 paridhipublications@ hotmail.com )

" ഇടുങ്ങിയ വാതിലിലൂടെ അകത്തേക്ക് പ്രവേശിക്കുക" ക്രിസ്തു പറയുന്നു " നാശത്തിലേ ക്കും മരണത്തിലേക്കും പോകുന്ന വാതിൽ വീതി കൂടിയതും വഴി വിശാലവും അതിൽ കൂടി സഞ്ചരിക്കുന്നവർ ബഹു ഭൂരിപക്ഷവും ആകുന്നു.ജീവനിലേക്കു പോകുന്ന വാതിൽ ഇടുങ്ങിയതും വഴി ഞെരുങ്ങിയതും അത്രെ . ആ വാതിൽ കണ്ടെത്തുന്നവർ കോടിയിൽ ഒരാൾ മാത്രം.

ഇടുങ്ങിയ വാതിൽ കണ്ടെത്തുക അത്യന്തം ദുഷ്കരമെങ്കിലും അതൊരസാധ്യതയല്ല.

"ഇതാ ഞാൻ വാതിൽക്കൽ നിൽക്കുന്നു." ക്രിസ്തു പറയുന്നു. " ആരെങ്കിലും എൻറ്റെ ശബ്ദം കേട്ട് എന്നെ ഉള്ളിലേക്ക് ക്ഷണിച്ചാൽ ഞാൻ അവനിലും അവൻ എന്നിലും വസിക്കും."

കഴിഞ്ഞ രണ്ടായിരം വർഷമായി ക്രിസ്തു വാതിലിനു പുറത്താണ്.

( bracket ൽ ഉള്ളത് മാത്രം എൻറ്റെ വാക്കുകൾ)
 

--- മനോജ്‌ വർമ